Սևծովյան առևտրի և զարգացման բանկի Հայաստանի կառավարչի ներկայացուցիչ և «Տնտեսական հեռանկարների կենտրոն» հիմնադրամի խորհրդի նախագահ Արթուր Ջավադյանը մասնակցել է բանկի նոր կայուն զարգացման  գլխավոր գրասենյակի պաշտոնական բացման արարողությանը, որը տեղի է ունեցել 2025 թվականի հոկտեմբերի 20-ին, Հունաստանի Սալոնիկ քաղաքում։

Արարողությունը վարեցին Սևծովյան առևտրի և զարգացման բանկի (ՍԱԶԲ) նախագահ, դոկտոր Սերհատ Կեկսալը և Հունաստանի Հանրապետության ազգային էկոնոմիկայի և ֆինանսների նախարար, պարոն Նիկոս Պապաթանասիսը, որը նաև ՍԱԶԲ-ի Հունաստանի կառավարիչն է։ Միջոցառմանը մասնակցել են բարձրաստիճան պաշտոնյաներ, ՍԱԶԲ կառավարիչներ և տնօրեններ, դիվանագիտական ​​առաքելությունների ներկայացուցիչներ և միջազգային գործընկերներ։

Նոր գլխավոր գրասենյակի հիմնումը կարևորագույն իրադարձություն է Սևծովյան առևտրի և զարգացման բանկի (ՍԱԶԲ) շարունակական ինստիտուցիոնալ զարգացման և տարածաշրջանային դերի ընդլայնման գործում: Կառույցը արտացոլում է Բանկի ամուր հանձնառությունը կայունության, նորարարության և էներգաարդյունավետության նկատմամբ: