2023 թվականի ապրիլին մենք պատիվ ունեցանք Դիլիջանում հյուրընկալելու «Փոխակերպում դեպի կայունություն: Էներգիա և ֆինանսներ»  բարձր մակարդակի համաժողովը։ Միջոցառումը միավորեց էներգետիկայի և ֆինանսների ոլորտների առաջատար փորձագետներին և մասնագետներին՝ կայուն զարգացման ճանապարհին առկա մարտահրավերներն ու հնարավորությունները ուսումնասիրելու համար։

Համաժողովում հնչեցին փորձագիտական ելույթներ, իրականացվեցին պանելային քննարկումներ և լավագույն փորձի փոխանակման ներկայացումներ, որոնք նպաստեցին քաղաքականության մշակողների, ֆինանսական ոլորտի ներկայացուցիչների և ոլորտի փորձագետների միջև երկխոսությանը:

Այս հանդիպումը դարձավ արժեքավոր հարթակ գիտելիքների և առաջատար փորձի փոխանակման համար՝ ընդգծելով կայուն էներգիայի և նորարարական ֆինանսների միջև կարևորագույն կապը՝ որպես դիմակայուն և կայուն ապագայի հիմնական գործոններ: